محترمہ گاندھی، مسٹر مکھرجی اور ڈاکٹر سنگھ صبح میں مسٹر راجیو گاندھی کی سمادھی 'ویر بھومی' گئے اور ان کی سمادھی پر گلہائے عقیدت پیش کرکے انہیں خراج عقیدت پیش کیا۔
راہل گاندھی اور پرینکا گاندھی نے بھی اپنے والد راجیو گاندھی کو خراج عقیدت پیش کئے۔ سینیئر کانگریسی لیڈر غلام نوی آزاد، ہریانہ کے سابق وزیراعلی بھوپندر سنگھ ہڈا اور مسٹر احمد پٹیل نے بھی راجیو گاندھی کو خراج عقیدت پیش کئے۔
اس موقع پر کانگریس نے اپنے ٹوئٹر اکاؤنٹ پر لکھا 'ہندوستان کی طاقت اتحاد اور تنوع میں مضمر ہے۔ جب ہم آنجہانی راجیو گاندھی کو ان کی 75 جینتی کے موقع پر یاد کر رہے ہیں، تو ہمیں ضرور یاد رکھنا چاہئے کہ ان کے الفاظ آج بھی بہت زیادہ موزوں ہیں۔ ہمیں کبھی بھی فرقہ وارانہ محرک کو ہمارے اتحاد کے بندھن کو توڑنے کی اجازت نہیں دینی چاہئے'۔
خیال رہے راجیو گاندھی کی آج 75 ویں جینتی ہے۔ ان کی پیدائش 20 اگست 1942 کو بمبئی (اب ممبئی) میں ہوئی تھی۔
