بی جے پی نے 12 اراکین اسمبلی کو دوبارہ ٹکٹ نہیں دیا

بھارتیہ جنتا پارٹی نے مہاراشٹر اسمبلی انتخابات کے لیے امیدواروں کی پہلی فہرست جاری کر دی ہے۔ پہلی فہرست کے مطابق 12 اراکین اسمبلی کو ٹکٹ نہیں دیا گیا ہے۔

بی جے پی نے پہلی فہرست میں 125 امیدواروں کا نام جاری کیا ہے۔ پہلی فہرست میں دیویندر فڑنویس، چندرکانت پاٹل، گیریش مہاجن اور پنکجا منڈے کے نام شامل ہیں۔

ریاستی وزیراعلیٰ دیویندر فڑنویس کو جنوبی ۔ مغربی ناگپور اسمبلی حلقے سے ٹکٹ دیا گیا ہے جبکہ چندرکانت پاٹل کو پونے کے کوتھروڈ اسمبلی حلقے سے انتخابی میدان میں اتارا گیا ہے نیز بی جے پی نے 12 اراکین اسمبلی کو دوبارہ موقع نہیں دیا ہے۔ خاص بات یہ ہے کہ بی جے پی کی پہلی فہرست میں کئی نئے چہرے بھی شامل ہیں جو انتخابی میدان اپنی قسمت آزمائیں گے۔

پونے کینٹونمینٹ حلقے سے دلیپ کامبلے کے بجائے سنیل کامبلے کو ٹکٹ دیا گیا ہے اور کوتھروڈ حلقے سے رکن اسمبلی میگھا کلکرنی کے بجائے چندرکانت پاٹل کو ٹکٹ دیا گیا ہے۔

اسمبلی حلقے موجودہ رکن اسمبلی نیا چہرہ

پونے کینٹونمینٹ دلیپ کامبلے سنیل کامبلے

کوتھروڈ میگھا کلکرنی چندرکانت پاٹل

ناگپور جنوب سدھاکر کوہلے موہن متے

آرنی (ایوت محل) راجو توڑسام سندیپ دھروے

چالیس گاؤں انمیش پاٹل منگیش چوہان