شیو راج حکومت کی کابینہ میں توسیع آج

مدھیہ پردیش کی کابینہ میں توسیع میں کافی عرصے سے تاخیر ہو رہی تھی، کابینہ کی توسیع کے سلسلے میں دہلی سے بھوپال تک صلاح ومشورہ کیا جا رہا تھا۔

ریاست مدھیہ پردیش میں آج شیو راج حکومت کی کابینہ کی توسیع کی جائے گی، اطلاعات کے مطابق حلف لینے والے وزراء میں 10 وزراء جیوتی رادتیہ سندھیا کے خیمے سے ہوں گے۔

توقع ہے کہ شیوراج حکومت کے 100 دن مکمل ہونے کے بعد آج کابینہ کی توسیع میں تقریباً 25 وزرا حلف لیں گے۔

مدھیہ پردیش کی نومنتخب گورنر آنندی بین پٹیل ان وزرا کو عہدے اور رازداری کا حلف دلائیں گی۔

موصولہ اطلاعات کے مطابق چند وزرا جیوتی رادتیہ سندھیا کے قریبی ہیں، ان میں سے آٹھ وزراء نے کمل حکومت کو چھوڑا تھا، جن میں دو پہلے ہی وزیر بن چکے ہیں، بتایا جا رہا ہے کہ بقیہ چھ وزراء کے علاوہ چار دیگر وزرا کا تعلق بھی سندھیا کے خیمے سے ہے۔