ملک کی سب سے بڑی تیل مارکیٹنگ کمپنی انڈین آئل کارپوریشن نے بتایا کہ قومی دارالحکومت دہلی میں 14.2 کلو گرام کے بغیر سبسڈی والے گھریلو رسوئی گیس سلنڈر کی قیمت جون ماہ کے لے 593 روپے مقرر کی گئی ہے، مئی میں اس کی قیمت 581.50 روپے تھی۔ اس طرح اس میں 11.50 روپے کا اضافہ کیا گیاہے، اس سے پہلے مئی میں اسکی قیمت میں 162.50 روپے کا بڑ ا اضافہ کیا گیا تھا۔
انڈین آئل کے بیان میں کہا گیا ہے 'بین الاقوامی مارکیٹ میں جون ماہ کے لیے رسوئی گیس کی قیمت میں اضافہ ہوا ہے، بین الاقوامی مارکیٹ میں قیمت میں اضافہ کی وجہ سے دہلی میں رسوئی گیس کی قیمتوں میں فی سلنڈر 11.50 روپے بڑھا دیا گیا ہے۔ حالانکہ اس سے وزیر اعظم اجولا اسکیم کے مستحقین متاثر نہیں ہوں گے کیونکہ وزیر اعظم غریب بہبود اسکیم کے تحت 30 جون تک انہیں مفت سلنڈر دیا جائے گا'۔
