کانگریس کی تیسری لسٹ میں اتر پردیش کے بارہ بنکی لوک سبھا سیٹ سے کانگریس کے قدآور رہنما اور راجیہ سبھا کے رکن پارلیمنٹ پی ایل پنیا کے بیٹے تنوج پنیا کو ٹکٹ دیا ہے۔
اس کے علاوہ ریاست آسام کے کریم گنج سے سوروپ داس کو سلچر سے سشمتا دیو کلیابور سے سینیئر رہنما ترون گگوئی کے بیٹے گورو گگوئی کو ٹکٹ دیا گیا ہے۔
واضح رہے کہ لوک سبھا انتخابات کے پیش نظر کانگریس نے اپنی تیسری لسٹ میں 18 امیدواروں کے ناموں کو اعلان کیا ہے، جس میں ریاست آسام کی پانچ، تلنگانہ کی آٹھ، میگھالیہ کی 2 ناگا لینڈ اور سکیم کی ایک ایک سیٹیں شامل ہیں۔
جبکہ ریاست اترپردیش میں ایک ہی نشست بارہ بنکی سیٹ سے سینیئر رہنما پی ایل پنیا کے بیٹے تنوج پنیا کو اپنا امیدوار بنایا ہے۔
کانگریس نے میگھالیہ کی شیلانگ سیٹ سے وسینٹ پالا کو تورا سیٹ سے ڈاکٹر مکل سنگما کو اور سکیم کی بھرت بیسنیٹ کو اپنا امیدوار بنایا ہے۔
ساتھ ہی ریاست تلنگانہ کی 17 سیٹوں میں عادل آباد سے رمیش راتھوڑ پیڈاپلی سے اے چندراشیکھر، کریم نگر سے پونم پربھاکر، ظہیرآباد سے مدن موہن راؤ، میدک سے گلی انیل کمار، ملکا جاگیری سے اے ریونت ریڈی، چیوڑلہ سے کونڈا ویشویشور ریڈی اور محبوب آباد سے پوریکا بلرام نائک کو اپنا امیدوار بنایا ہے۔
قابل ذکر ہے کہ اس سے قبل کانگریس اپنی دو لسٹ جاری کر چکی ہے۔ جس میں پہلی لسٹ 15 امیدواروں پر مبنی تھی اور دوسری میں 21 امیدواروں کا نام شامل تھا۔
