ذرائع نے آج یہاں بتایا کہ عالمی وبا کورونا کو لے کر چل رہے ملک گیر لاک ڈاﺅن کی وجہ سے این ٹی پی کے ان تین پلانٹوں میں بجلی پیداوار متاثرہونے لگی ہے۔ لاک ڈاﺅن کی وجہ سے مختلف ریاستوں میں کل۔کارخانوں کی بندی کے ساتھ۔ساتھ زیادہ تر سرکاری اور غیر سرکاری دفاتر، کارپوریٹ مقامات اور نجی مکانوں میں اے سی اور کولروں کے بہت کم استعمال ہونے کی وجہ سے بجلی کی کھپت کم ہو گئی ہے۔
ذرائع نے بتایا کہ ایسی حالت میں ان ریاستوں سے بجلی کی طلب میں کمی ہونے کی وجہ سے این ٹی پی سی کے کہلگاﺅں، باڑھ، اور فرخا پلانٹوں کی بجلی پیداواری صلاحیت کو کم کرنے کے لئے زیادہ یونٹوں کو کم لوڈ پر چلایا جا رہا ہے تو وہیں کچھ یونٹوں کو بند بھی کیا گیا ہے۔ اس وجہ سے 2340 میگاواٹ والے کہلگاﺅں پلانٹ میں ایک یونٹ بند ہے اور یہاں کل 2130 میگاواٹ کی جگہ قریب 1050 میگاواٹ اور باڑھ میں دو یونٹ بند پڑی ہیں۔ 1920 میگاواٹ کی جگہ پر صرف 363 میگاواٹ بجلی کی پیداوار کی جا رہی ہے۔ اسی طرح فرخا پلانٹ کی دو یونٹ بند ہیں اور یہاں کل 2100 میگاواٹ کی جگہ 1014 میگاواٹ بجلی کی پیداوار ہو رہی ہے۔
ذرائع نے بتایا کہ تینوں بجلی پلانٹوں سے مستفید ہونے والی ریاستوں کے ذریعہ بجلی کی طلب میں کٹوتی کئے جانے سے این ٹی پی سی کے ان تینوں پلانٹوں کو ایسے اقدامات اٹھانے پڑے ہیں۔ جب تک ملک کے حالات نارمل نہیں ہوتے ہیں تب تک این ٹی پی سی کو یہ خمیازہ بھگتنا پڑ سکتا ہے۔
