پانی کی تلاش میں نکلا تیندوا کنویں میں جا گرا

مدھیہ پردیش کے ضلع شیوپوری کے پوہری سب ڈیویژن کے گرام سروانی کے جنگل کے نزدیک واقع ایک کھیت پر پانی کی تلاش کے لیے آیا ایک تیندوا کنویں میں گر گیا۔

پوہری علاقے میں رینجر کے پی ایس دھاکڑ نے بتایا کہ کل دوپہر کو ایک تیندوا پانی کی تلاش میں جنگل سے کھیتوں کی طرف آیا اور کھیت کے قریب ایک کنویں میں گر گیا۔

اطلاع کے بعد گاؤں والوں کی مدد سے کنویں میں چارپائی ڈال کر تیندوے کو باہر نکالا گیا، خاص بات یہ رہی کہ تیندوا کو محفوظ طریقے سے باہر نکالا گیا بعد میں محکمۂ جنگلات کے افسران نے اسے جنگل میں چھوڑ دیا۔