سی اے اے کے خلاف احتجاجی مظاہرے روز بروز برھتے جا رہے ہیں۔ ایسے میں گجرات کے وکلا نے بھی اتحاد کا مظاہرہ پیش کرتے ہوئے سی اے اے کے خلاف جم کر آواز اٹھائی۔
اس موقع پر ای ٹی وی بھارت کی نمائندہ روشن آرا سے بات چیت کرتے ہوئے وکلا نے کہا کہ 'شہریت (ترمیمی) قانون 2019 (سی اے اے) کالا قانون ہے۔ سی اے اے سے ہماری شہریت چھینی جا رہی ہے۔'
مظاہرے میں شریک وکلا نے کہا ہے کہ 'ہندو۔مسلم کو تقسیم کیا جا رہا ہے۔ ساتھ ہی ساتھ سی اے اے ہمارے دستور کے خلاف ہے اس لیے آج پورے بھارت کے لوگ اس کی مخالفت کر رہے ہیں'۔
دوسرے ایک وکیل نے کہا کہ ہم نے گاندھی آشرم سے کے کر کلکٹر آفس تک ریلی نکالی ہے۔ یہاں ہر مذہب کے وکلا ایک ساتھ شریک ہوے ہیں اور ہم سی اے اے این آر سی اور ایم پی آر کے خلاف کلکٹر کو میمورنڈم دے رہے ہیں'۔
مزید پڑھیں: ڈرائنگ کے ذریعے این آر سی اور سی اے اے کی مخالفت
اس موقع پر پر کلکٹر کو میمورنڈم دینے کے بعد ایک وکیل نے کہا کہ 'ہم نے سی اے اے کس طرح سے ہمارے آئین کے خلاف ہے اور کونسی دفعہ کو اثر کر رہا ہے اس کی تمام تفصیلات دی ہے اور مطالبہ کیا ہے کہ سی اے اے کو واپس لیا جائے'۔
