سابق وزیر خارجہ سشما سوراج کی تمام آخری رسومات ان کی بیٹی نے نبھائیں اور سرکاری اعزاز کے ساتھ ان کی آخری رسومات ادا کی گئی ہیں۔
سشما کے آخری دیدار کیلئے ان کے جسد خاکی کو ان کے گھر سے بی جے پی دفتر لایا گیا تھا۔ وزیر دفاع راجناتھ سنگھ ، وزیر ریل پیوش گوئل، روی شنکر پرساد اور جے پی نڈا نے جسد خاکی کو کندھا دیا ہے۔
سابق مرکزی وزیر سشما سوراج کے انتقال سے پورے ملک میں غم کا ماحول ہے۔ بھارت سمیت دنیا بھر کے رہنما سشما سوراج کو خراج عقیدت پیش کر رہے ہیں۔
وزیر اعظم نریندر مودی نے سشما سوراج کو ان کے گھر جاکر خراج عقیدت پیش کرنے کے بعد ان کے اہل خانہ سے ملاقات کی۔ اس دوران وزیر اعظم مودی جذباتی ہو گئے۔ ان کی آنکھوں سے آنسو چھلک پڑے۔
وزیر اعظم سے پہلے صدر رام ناتھ کووند، نائب صدر وینکیا نائیڈو سمیت کئی سینیئر رہنماؤں نے سشما سوراج کو خراج عقیدت پیش کیا۔
