کشمیر: بھاری مقدار میں اسلحہ و گولہ بارود ضبط

کل شمالی کشمیر کے رفیع آباد میں فوج نےجنگجوؤں کی ایک پناہ گاہ سے بھاری مقدار میں اسلحہ اور گولہ بارود ضبط کیا تھا، جسے آج پولیس نے میڈیا کے سامنے پیش کیا۔

جموں و کشمیر پولیس اور فوج کی 32 آر آر نے مشترکہ طور پر رفیع علاقے میں تلاشی کاروائی کی اور اس دوران عسکریت پسندوں کی پناہ گاہ کا پتہ لگایا اور اسے تباہ کردیا گیا۔

ذرائع نے بتایا کہ جائے وقوع سے فوج نے ایک ' اے کے 47'، ریڈیو سیٹس، یو بی جی ایل میگزینز، کمبل، آر ڈی ایکس اور گولیاں بر آمد کی ہیں۔

جائے وقوع سے برآمد شدہ اسلحہ کو پولیس کے حوالے کردیا گیا ہے۔
پولیس نے آج برآمد ہتھیار کو میڈیا کے سامنے پیش کیا۔