مغربی بنگال کے دارالحکومت کولکاتا کے اسپلانیڈ میٹرو اسٹیشن پر آج دن میں آنے والی میٹرو ٹرین کے سامنے ایک نوجوان نے چھلانگ لگا دی.
میٹرو ٹرین کے موٹر مین (ڈرائیور ) نے بروقت کارروائی کرتے ہوئے ٹرین روک دی جس سے نوجوان کی جان بچ گئی.
میٹرو ریلوے کے ملازمین نے پاور بلاک کرکے نوجوان کو پٹری سے باہر نکالا لیکن وہ شدید طور پر زخمی ہوگئے.
میٹرو ریلوے انتظامیہ کے مطابق نوجوان کی خودکشی کی ناکام کوشش کے سبب چند گھنٹوں تک ٹرین خدمات معطل رہی.
انہوں نے مزید کہا کہ نوحوان کی شناخت سندیپ کمار کے طور پر ہوئی ہے. وہ ہگلی کے چنڈی تلہ علاقے کا باشندہ ہے.
واضح رہے کہ مغربی بنگال میں کورونا وائرس کے سبب گزشتہ مارچ سے میٹرو ٹرین خدمات معطل رہی.
گزشتہ ماہ اکتوبر مہینے میں میٹرو ٹرین خدمات دوبارہ بحال کی گئی. وہیں 11 اکتوبر کو بیلگچھیا اسٹیشن پر ایک لڑکی نے میٹرو کے سامنے چھلانگ لگا کر خودکشی کر لی تھی.
