کیرالہ کے کسٹم حکام نے کیرالہ میں سونے کی اسمگلنگ کیس کے سلسلے میں مزید تین افراد کو گرفتار کیا ہے۔ ملزم کو آج اکونومیک اوفنس کورٹ میں پیش کیا جائے گا۔
کیرالہ کے ترواننتاپورم ایئرپورٹ پر سونے کی اسمگلنگ کیس کے سلسلے میں کسٹمز نے یہ کارروائی انجام دی ہے۔
ایرناکولم کے مووتوپوزہ سے تعلق رکھنے والے جلال، مالپورم سے تعلق رکھنے والے محمد شفیع، کونڈوٹی کے ہمزاد علی کو گرفتار کیا گیا۔ کسٹم حکام کے مطابق ملزمان نے سونا، تاجروں کو پہنچایا تھا۔
اس معاملے میں سریت، سوپنا پربھا سریش، سندیپ نیر اور فضل فرید کو نامزد کیا گیا ہے جس کا تعلق کسٹمز کمشنریٹ نے پانچ جولائی کو ترواننتاپورم انٹرنیشنل ایئرپورٹ پر 30 کلو ضبط کرنے سے متعلق تھا۔
ریاست میں حزب اختلاف نے اس معاملہ کو وزیراعلی دفتر سے متعلق قرار دیا تھا۔ جس کے بعد اس معاملے کو قومی توجہ حاصل ہوگئی۔ کیونکہ مبینہ طور پر ایک ملزم کا سی ایم او کے پرنسپل سکریٹری سے سے رابطہ تھا جسے عہدے سے ہٹا دیا گیا۔
مزید پڑھیں: بانس سے بنے پانی کے بوتلوں کی نمائش
این آئی اے نے غیر قانونی سرگرمیاں (روک تھام) ایکٹ 1967 کے سیکشن 16، 17 اور 18 کے تحت چار ملزمان کے خلاف ایف آئی آر درج کی ہے، جن میں سے 3 کو گرفتار کیا گیا ہے۔
