وارانسی سے اندور تک جانے والی یہ مہا کال ایکسپریس دونوں ریاست کے تین جیوتی لنگ کی یاترا بھی کرائے گی۔
خاص طور پر اس ٹرین کے سیٹ نمبر 64 کو مندر کے طور پر خاص بھی کیا گیا ہے۔ اس سیٹ پر بھگوان کا ایک چھوٹا سا مندر بھی بنایا گیا ہے۔
بھارت کی یہ واحد پہلی ایسی ٹرین ہے جہاں عبادت کے لیے ایک جگہ متعین کر کے مندر کی شکل دی گئی ہے۔ اس سے قبل ایسی مثال نہیں ملتی ہے۔
ریلوے ترجمان دیپک کمار نے کہا 'یہ پہلا موقع ہے جب بھگوان شیو کے لئے ٹرین میں کوئی سیٹ مخصوص اور خالی کردی گئی ہے۔ اس سیٹ پر ایک مندر بھی بنایا گیا ہے تاکہ لوگوں کو معلوم ہو کہ یہ نشست مدھیہ پردیش کے اجین کے مہاکال کے لئے ہے۔
کمار نے کہا کہ مستقل طور پر ایسا کرنے پر غور کیا جارہا ہے۔ ٹرین جو وارانسی اور اندور کے درمیان ہفتے میں تین بار چلتی ہے، اس ٹرین میں دھیمی آواز میں بھکتی میوزک بھی چلائی جائیگی اور ہر کوچ میں دو نجی گارڈز ہوں گے، اس ٹرین کے تمام مسافروں کے لیے ویج تھالی ہی مہیا کرائی جا ئے گی۔
مزید پڑھیں:دہلی: انکاؤنٹر میں دو ہلاک
کاشی مہاکال ایکسپریس کے ہرکوچ میں سی سی ٹی وی کیمرے نصب ہیں۔ ہر کوچ میں کنٹرول روم بنایا گیا ہے۔ موصولہ اطلاعات کے مطابق ٹرین میں سفر کرنے والے ہر مسافر کو 10 لاکھ روپے کا مفت انشورنس بھی ہوگا۔
مسافروں سے کوئی پریمیم نہیں لیا جائے گا۔ ہر ایک کیبن میں 6 چارجنگ پوائنٹس بھی ہیں۔ آئی آر سی ٹی سی نے اس ٹرین میں سفر کرنے والے مسافروں کے لئے کئی خصوصی رعایتیں بھی رکھی ہیں۔
