یہ حادثہ ضلع کے کپٹ رالہ کی کرنول۔بیلاری شاہراہ پر اس وقت پیش آیا جب پوجا کے لئے سری سیلم جانے کے دوران کرناٹک کے افراد کو لاری نے ٹکر دے دی۔اس حادثے میں تین افراد ہلاک ہوگئے۔
پولیس نے بتایا کہ کرناٹک کے بیلاری ضلع کے ایراگُڈی دیہات کے 42شردھالو سری سیلم جارہے تھے کہ یہ حادثہ پیش آیا۔
اس حادثے میں مرنے والوں کی شناخت 30سالہ اولیگیا ،23سالہ پوتولنگا،16سالہ شیکھو کے طورپرکی گئی ہے جبکہ زخمیوں میں دیویندر ریڈی ، پوتپا،گیدالنگا،ناگاراجو شامل ہیں ۔
زخمیوں کو علاج کے لئے فوری طور پر کرنول کے سرکاری اسپتال منتقل کردیاگیا۔بعد ازاں لاری ڈرائیور کو حراست میں لے لیا گیا۔
اس لاری نے کپٹ رالہ علاقہ میں دو ٹو وہیلرس کو بھی ٹکر دے دی تھی جس کے نتیجہ میں ٹو وہیلرس پر سوار افراد زخمی ہوگئے تھے۔
