دنیا بھر میں کرونا وائرس کا قہر جاری ہے اسی کو دیکھتے ہوئے بھارت میں مکمل طور پر تمام ریاستوں کو بھارتی وزیر اعظم نریندر مودی کے حکم سے لاک ڈاؤن کیا گیا ہے۔
اس دوران تمام مذہبی مقامات پر بھی آنے جانے پر پابندی عائد کی گئی ہے تاکہ وہاں لوگ جمع نہ ہوں۔ اسی ضمن میں آج دہلی کی شاہی جامع مسجد میں جمعہ کی نماز تو ادا کی گئی لیکن اس میں نمازیوں کی شمولیت پر پابندی ہونے کی وجہ سے انہیں مسجد میں داخل ہونے سے منع کر دیا گیا۔
نماز میں محض امام معزن، مسجد کے خادمین نے ہی با جماعت جمعہ کی نماز ادا کی جبکہ مسجد کے دروازوں کو بند رکھا گیا تھا اور پولیس کے ساتھ ساتھ پیرا ملٹری فورسز کے جوان نمازیوں کو روکنے کے لیے باہر کھڑے نظر آئے۔
خیال رہے کہ کورونا وائرس چین کے وہان شہر سے پھیلا ہے۔ اب اس وائرس کی ذد میں دنیا بھر کے 191 ممالک آ چکے ہیں۔
دنیا بھر میں کورونا وائرس سے 5 لاکھ سے ذائد لوگ متاثر ہیں جبکہ اس سے مرنے والوں کی تعداد 24 ہزار سے زیادہ ہے۔
بھارت میں کورونا وائرس کے 774 معاملے سامنے آ چکے ہیں جبکہ اس سے مرنے والوں کی تعداد 17 ہو چکی ہے۔ متاثرین میں سے 66 لوگ ٹھیک ہو چکے ہیں۔
کورونا وائرس کے خطرے کو کم کرنے کے لیے بھارت میں 21 روز کے لیے لاک ڈاؤن کیا گیا ہے۔
