اس سے قبل عمر خالد کو اسپیشل سیل نے پوچھ گچھ کے لیے بلایا تھا۔ اور تقریبا 11 گھنٹے تک پوچھ گچھ کے بعد انہیں گرفتار کرلیا گیا ہے۔
عمر خالد سے اسپیشل سیل اور کرائم برانچ کی اسپیشل ٹاسک فورس بھی پوچھ گچھ کرچکی ہے۔ ان کا موبائل بھی ضبط کیا گیا تھا۔ عمر خالد کا نام دہلی فسادات کی تمام چارج شیٹ میں شامل ہے۔
اسپیشل سیل 17 ستمبر کو چارج شیٹ داخل کرنے والی ہے۔
عمر خالد کے والد سید قاسم رسول الیاس نے بتایا کہ اسپیشل سیل نے میرے بیٹے کو رات 11 بجے گرفتار کیا ہے، پولیس اس سے دوپہر ایک بجے سے پوچھ گچھ کر رہی تھی، اسے دہلی فسادات میں پھنسایا گیا ہے۔
عمر خالد کی گرفتاری کے بعد یونائیٹیڈ اگینسٹ ہیٹ نامی تنظیم نے بیان جاری کیا ہے، جس میں انہوں نے کہا کہ ایک سازش کے تحت عمر خالد کو گرفتار کیا گیا ہے۔ اس بیان میں عمر خالد کے لیے اضافی سکیورٹی کا بھی مطالبہ کیا گیا ہے۔
