جنتادل یونائٹیڈ ( جے ڈی یو) نے جواہرلال نہرو یونیورسیٹی میں تشدد کے واقعات کی سخت الفاظ میں مذمت کرتے ہوئے اس معاملے کی سپریم کورٹ کے جج سے جانچ کرانے اور یونیورسیٹی کے وائس چانسلر اور اعلیٰ انتظامیہ کو فوری طور پر عہدہ سے برطرف کرنے کا مطالبہ کیا ہے۔
جے ڈی یو کے قومی جنرل سکریٹری کے سی تیاگی نے آج یہاں بیان جاری کر کے جے این یو کے طلباءکے ساتھ یکجہتی کامظاہرہ کرتے ہوئے کہاکہ جے این یو میں جس طرح سے کل غنڈوں نے تشدد کیا اس کی ان کی پارٹی سخت الفاظ میں مذمت کرتی ہے۔ انہوں نے کہاکہ جے این یو طلباءیونین کے منتخب نمائندوںپر جس طرح سے باہر سے آئے غنڈوں نے حملہ کیا ہے اس کی مذمت سماج کے سبھی طبقے کررہے ہیں۔
مسٹر تیاگی نے کہاکہ جے این یو بحث ومباحثہ اورنظریاتی اختلافات کیلئے مشہور ہے ۔ وہاں اس طرح کے واقعات پہلے کبھی نہیںہوئے ہیں۔ انہوں نے کہاکہ یہ بحث میں نظریاتی شکست کے بعد بزدلی کو ظاہر کرتاہے ۔
جے ڈی یو لیڈر نے کہاکہ ان کی پارٹی یونیورسیٹی کے وائس چانسلر اور دیگر افسران کے رویے کی بھی مذمت کرتی ہے جو غنڈوں کے گھناﺅنے کرتوت کے وقت خاموش تماشائی بنے ہوئے تھے ۔ انہوں نے کہاکہ اس وقت وہاں ڈیوٹی پر تعینات پولیس افسران بھی اپنے فرائض کی ادائیگی میں پوری طرح ناکام رہا ہے ۔
