آندھرا پردیش کے رہنما جے سی پربھاکر ریڈی اور ان کے فرزند کو پولیس نے آج کڑپہ سینٹرل جیل منتقل کیا ہے۔
گاڑیوں کے غیر قانونی رجسٹریشن کے معاملہ میں گرفتار تاڑ پتری کے سابق رکن اسمبلی جے سی پربھاکر ریڈی اور ان کے فرزند اسمت ریڈی کو پولیس نے اننت پور سے کڑپہ سینٹرل جیل منتقل کردیا۔
قبل ازیں اننت پور کے سرکاری اسپتال میں ان کا معائنہ کروایا گیا۔ پولیس نے اتوار کو ان دونوں سے پوچھ گچھ کی تھی۔ کڑپہ کی جیل سے ان دونوں کو ہفتہ کو پولیس نے تحویل میں لیا تھا۔ اننت پور ون ٹاون پولیس اسٹیشن میں گاڑیوں کے رجسٹریشن کے لئے نقلی دستاویزات پیش کرنے کا ان پر الزام ہے۔ جے سی پربھاکر ریڈی ریاست کی اصل اپوزیشن تلگودیشم کے رہنما ہیں۔
