وزیراعظم نریندر مودی کی اہلیہ جشودا بین تین روزہ مذہبی دورے پر ہریدوار اور رشکیکش پہنچی ہیں۔ یہاں انہوں نے مندروں میں پوجا کی اور وزیراعظم نریندر مودی کی طویل العمری کے لیے دعا کی۔ انہوں نے اس موقع پر نامہ نگاروں سے بات کرتے ہوئے بڑے یقین و اعتماد سے کہا کہ 'رام مندر کی تعمیر مودی حکومت میں ہی ہوگی'۔
رشیشکیش میں متعدد مذہبی مندروں اور سنتوں کے آشرواد کے بعد جشودابین ہری دوار پہنچیں۔ پہلے یہاں انھوں نے پتنجلی یوگی پَٹھ میں آچاریہ بالاکرشنا سے ملاقات کی۔
اس کے بعد کنکھل میں شنکراچاریہ راج راجیشور سے آشرواد کے ساتھ کالی مندر میں پوجا کرتے ہوئے اپنے شوہر وزیر اعظم نریندر مودی کی صحت و طویل عمر کی منت مانگی۔
مندر کے پیٹھادیشور کیلاشانند برہمچاری نے کہا کہ وزیر اعظم نریندر مودی کی اہلیہ جشودابین مذہبی اور روحانی نوعیت کی خاتون ہیں۔ بلا شبہ ان کی خواہش پوری ہوجائے گی۔
کیلاشانند برہمچاری کا کہنا ہے کہ انہوں نے رام مندر کے معاملے پر جشودابین سے بات کی انہوں نے رام مندر کے بارے میں کہا کہ وزیر اعظم نریندر مودی کے دور میں ہی ایک عظیم الشان رام مندر تعمیر کیا جائے گا۔ اسی خواہش کے ساتھ ، وہ ملک بھر میں سادھو سنتوں سے مل رہی ہیں اور ان کا آشرواد لے رہی ہیں۔
وزیر اعظم نریندر مودی کی اہلیہ ، جشودابین اپنے مذہبی دورے پر تمام مندروں کا رخ کررہی ہیں اور سنتوں سے آشرواد لے رہی ہیں۔ تاکہ وزیر اعظم نریندر مودی کو طویل عمر ملے اور وہ ملک کے لیے ترقیاتی کاموں کو پورا کر سکیں۔
