ریاست جھارکھنڈ کے مشرقی سنگھ بھوم کے جمشید پور میں پلاسٹک اور تھرموكول سے بنے برتنوں کا استعمال روکنے کے لئے منفرد پہل کی گئی ہے۔
جگسالائی میونسپل کونسل نے سیلف ہیلپ گروپ کی خواتین کے ذریعہ ایک برتنوں کا بینک بنایا ہے، جو عام لوگوں کو پارٹیوں کے لئے انتہائی کم قیمت پر اسٹیل کے برتن مہیا کرتا ہے۔
جھارکھنڈ میں اس طرح کا یہ پہلا تجربہ ہوا ہے اس کی کامیابی کے بعد آنے والے دنوں میں اس کے دائرہ کار میں بھی اضافہ کیا جاسکتا ہے۔ جگسلاي سٹی کونسل کی سیٹی مشن مینیجر گلینش منج نے بتایا کہ 'ابتدائی دور میں صرف پانچ خواتین کو برتن مہیا کرائے گئے ہیں
ان کے مطابق 'انہیں 200 سٹیل کے گلاس، کٹوری اور پلیٹیں دی گئی ہیں، 'ویج' اور 'نان ویج' کے لیے بھی مختلف برتنوں کا ایک سیٹ موجود ہے تاکہ عام لوگوں کو کوئی پریشانی نہ ہو۔ فی الحال ، چھوٹی پارٹیوں کے لئے انتظامات کیے گئے ہیں، اگر کامیابی ہوئی تو برتنوں کو بڑے بڑے پروگراموں کے لئے بھی مہیا کیا جائے گا۔
اس اقدام کی خاص بات یہ ہے کہ اس سے پلاسٹک کے استعمال پر روک لگے گی، ساتھ ہی ساتھ خواتین کو اس سے اقتصادی فوائد بھی ہو رہا ہے، اسی کے ساتھ ہی عوام میں اس مثبت سوچ کو عام کرنے کے لئے، سٹی کونسل نے ایک موبائل اور واٹس ایپ نمبر بھی جاری کیا ہے۔
جھارکھنڈ کے مشرقی سنگھ بھوم میں اس پہل کی لوگ کافی تعریف کر رہے ہیں ان کا کہنا ہے کہ اسٹیل پلیٹ پر کھانے سے انسان صحت مند رہتا ہے اور ماحول بھی صاف ستھرا رہتا ہے۔
