تفصیلات کے مطابق گذشتہ شب تقریباً ایک بجے راجوری سے درہال جارہی ایک ٹاٹا میجک ڈرائیوار کے قابو سے باہر ہو کر کھائی میں گر گئی۔ جس میں 6 افراد کی موت ہوگئی ہے۔
اس حادثہ میں ایک خاتون سمیت پانچ افراد کی جائے واردات پر ہی دردناک موت ہوگئی جبکہ ایک خاتون سمیت دو افراد زخمی ہیں، جنہیں ضلع ہسپتال میں منتقل کیا گیاہے۔جہاں ابتدائی طبی امداد کے بعد فوری طور پر میڈیکل کالج جموں منتقل کیا گیا،لیکن راستہ میں زخموں کی تاب نہ لاتے ہوئے خاتون نے دم توڑ دیا۔
پولیس کے مطابق راجوری سے درہال کی جانب جا رہا ٹاٹا میجک گاڑی اچانک ڈرائیوار کے قابو سے باہر ہو کر چالیس فٹ گہری کھائی میں جا گری۔
ہلاک شدگان کی شناخت محمد شبیر، منیر حسن، شوکت علی، محمد حسین، ریشم بی اور پرویز اختر کے طور پر ہوئی ہے۔
دوسری جانب مقامی لوگوں نے حادثے پر برہمی کا اظہار کرتے ہوئے کہا کہ سڑک کی خستہ حالی کے باعث یہ حادثہ پیش آیا۔
