گزشتہ برسوں میں حالات موافق نہ ہونے کی وجہ سے یونٹ بند کرنی پڑی تھی، لیکن حالیہ دنوں میں حالات کی تبدیلی سے آئی وی آر آئی کے ڈائریکٹر کچھ مثبت امیدوں میں روشنی کی نئی کرن دیکھ رہے ہیں۔
جموں و کشمیر میں صورت حال ابھی بھی کشیدہ ہے۔ اسکے باوجود وہاں روزگار، زمین کی خرید فروخت، ملٹی نیشنل کمپنیوں کی آمد و رفت کی امیدوں نے نئے خواب دیکھنا شروع کر دیے ہے۔
اس میں بھی کوئی دو رائے نہیں کہ ملک کی سرمایہ دار شخصیات نے بھی نئے پروجیکٹز پر کام کرنا شروع کر دیا ہوگا۔ حالانکہ ان خوابوں کی زمینی تعبیر حقیقت کے کتنے قریب ہوگی، یہ کہنا ابھی مشکل ہے۔ لیکن بریلی کے انڈین ویٹرینری ریسرچ انسٹی ٹیوٹ ”آئی وی آر آئی“ کے ڈائریکٹر نے اپنی کشمیر واقع ایک یونٹ پر لگا تالا کھولنے کے امکانات ظاہر کئے ہیں۔
انسٹی ٹیوٹ انتظامیہ نے دعویٰ کے ساتھ کہا کہ مرکزی حکومت کے اس جواز پر سو فیصد غورو فکر کیاجائےگا۔ وہاں مویشی پروری اور خاص طور پر بکری پالن کے امکانات تلاش کیے جائینگے۔ ان تمام کوششوں میں آئی وی آر آئی کے ممکنہ تعاون پر بھی غور کیا جا رہا ہے۔
