مریخ سیارہ منگل کو زمین کے قریب تر ہوگا، یہ سیارہ زمین کے اطراف اپنے سفر کے دوران کل شام 7.47 بجے اس نکتہ پر پہنچے گا جو زمین سے قریب تر ہوگا۔
پلینٹری سوسائٹی آف انڈیا کے ڈائریکٹر رگھونندن نے یواین آئی کو بتایا کہ ہر 26 ماہ میں ایک مرتبہ ایسا فلکیاتی نظارہ جس میں مریخ سورج کے مخالف سمت ہوتا ہے، دیکھنے میں آتا ہے۔
انہوں نے کہا کہ 14 اکتوبر کو 4.56 بجے بھی مریخ سورج کے مخالف سمت ہوگا، تاہم مریخ سیارہ، آئندہ 13 برس میں زمین سے مزید قریب تر ہوگا۔ اس فلکیاتی نظارہ میں رواں برس مریخ، زمین سے قریب تر، روشن اور بڑا ہوگا۔
انہوں نے کہا کہ عموماً مریخ سے زمین کا سفر 55.7 ملین کلومیٹر ہے، انہوں نے کہا کہ اکتوبرسنہ 2020 لوگوں کو اس کو دیکھنے کا ایک بہترین موقع ہے۔
اسی طرح کے نظارہ کے لیے مزید 13 برس درکار ہوں گے، کیونکہ اس طرح کا نادر فلکیاتی نظارہ جون سنہ 2033 میں ہوگا۔
مریخ رواں برس کے اواخر تک آسمان پر مزید روشن نظر آئے گا، جیسے جیسے دن گذرتے جائیں گے یہ مزید روشن اور حجم میں بڑا ہوتاجائے گا۔
واضح رہے کہ عوام بغیر بائینوکلرٹیلی سکوپ کے مریخ کو آسمان میں کئی ہفتوں تک دیکھ سکیں گے۔
شام میں سورج کے غروب ہونے کے تقریباً دیڑھ گھنٹہ کے بعد سورج کی مخالف سمت، مشرقی و جنوب مغربی سمت یہ مریخ سیارہ نظر آئے گا۔
واضح رہے کہ مزید تفصیلات اور ویڈیوز کے لیے عوام واٹس اپ 7993482012 یا www.twitter.com/infopsi www.ournewplanets.info پر رابطہ کرسکتے ہیں۔
