اپنے گھر میں مایوس کن کارکردگی کے بعد شکست کا سامنا کرنے والی دہلی کیپیٹلز آج ہر حال میں میچ جیت کر اپنی ساکھ بچانے کی کوشش کرے گی۔
پنجاب اور دہلی کیٹیمیں ایسے مقام پر کھڑی ہیں جہاں پر جیت حاصل کرنے پر ان پلے آف میں پہنچنے کی امیدیں مضبوط ہوں گی۔
دہلی نے 9 میں سے 5 میچ جیتے ہیں جبکہ پنجاب نے بھی 9 میچ کھیل کر 5 میں کامیابی درج کی ہے لیکن بہتر رن ریٹ کی بنیاد پر دہلی تیسر اور پنجاب چوتھے مقام پر ہے۔
دہلی اپنے گزشتہ روز کے میچ میں ممبئی کے ہاتھوں شکست سے دوچار ہوئی تھی جبکہ پنجاب نے اپنا پچھلا مقابلہ راجستھان رائلز سے جیتا تھا۔
کنگز الیون پنجاب کے بلے باز کرس گیل کارکردگی کے تسلسل کو برقرار رکھنے میں ناکام ہے جبکہ لوکیش راہل اکیلے مزاحمت کرتے نظر آرہے ہیں۔ ایسے میں آج ایک مرتبہ پھر سے ایک اچھی بلے بازی کی امید ہوگی۔
دوسری جانب دہلی کیپیٹلز کے سلامی بلے باز شکھر دھون فارم میں لوٹ آئے ہیں لیکن ان کا ساتھ دینے کے لیے کوئی مستقل بلے باز نہیں ہے اور یہی بات دہلی کے لیے پریشانی کا باعث ہے، جبکہ گیندبازی کے معاملے میں کگیسو ربادا اب ٹورنامنٹ میں سب سے زیادہ وکٹ لینے والے گیندباز ہیں۔
آج کے میچ میں جیت دونوں ٹیمو ں کے لیے پلے آف کی امیدوں کو مضبوطی عطا کرنے میں اہم رول ادا کرے گی۔
