سپریم کورٹ نے سابق مرکزی وزیر پی چدمبرم کو مستقل ضمانت کے لیے دہلی ہائی کورٹ سے رجوع کرنے کا حکم دیا ہے۔
دہلی ہائی کورٹ کی جانب سے آئی این ایکس میڈیا کیس میں عدالت نے چدمبرم کی عبوری ضمانت کو خارج کرنے کے فیصلے کے خلاف سپریم کورٹ میں چیلنج کیا گیا تھا۔
چدمبرم کی عبوری ضمانت کی عرضی کے معاملے میں جسٹس بھانومتی نے کہا کہ گرفتاری کے بعد عبوری ضمانت کی عرضی اثر دار ہوجاتی ہے۔
وکیل کپل سبل نے کہا کہ زندگی کا حق اہم ہے۔ اس پر جسٹس بھانومتی نے کہا کہ عبوری ضمانت کو ہم ریگلور بیل میں کنورٹ نہیں کرسکتے ہیں۔ انہوں نے کہا کہ ریمانڈ کے خلاف عرضی لسٹ نہیں ہے۔ ہم لسٹنگ کے لیے نہیں کہہ سکتے ہیں۔
واضح رہے کہ سابق مرکزی وزیر پی چدمبرم کو آئی این ایکس میڈیاس کیس میں 21 اگست کو گرفتار کرکے سی بی آئی کی حراست میں بھیج دیا گیا ہے۔
اب سب کی نظریں آج دوپہر دو بجے ہونے والی سی بی آئی کورٹ کی سماعت پر مرکوز ہوگئی ہیں۔
چدمبرم کی 5 دن کی ریمانڈ آج ختم ہورہی ہے۔
کورٹ نے کہا کہ اگر چدبمرب کو سی بی آئی معاملے میں راحت چاہیے تو انہیں نچلی عدالت میں جانا ہوگا۔ اور وہیں سے راحت کی مانگ کرنی ہوگی۔
عدالت عظمیٰ نے کہا کہ ریگولر بیل کے لیے آپ کو مناسب عدالت میں جانا چاہیے۔ عدالت نے کہا کہ سی بی آئی ریمانڈ والی عرضی اب بے معنی ہوچکی ہے۔
یاد رہے کہ دہلی ہائی کورٹ کے ذریعہ آئی این ایکس میڈیا کیس میں عبوری صمانت کی عرصی خارج ہونے کے بعد 21 اگست کو سی بی آئی نے چمدبمر کو گرفتار کرلیا تھا۔
