عالمی یوم مزدور کے موقع پر بہار کے باہر پھنسے مزدور اور طلباء کے لیے سیاسی جماعتوں نے الگ الگ طریقے سے سیاست شروع کردی ہے. آج ریاست کی سب سے بڑی سیاسی جماعت آرجےڈی نے اسی بہانے ایک روزہ علامتی بھوک ہڑتال کیا۔
ریاستی اسمبلی میں حزب مخالف کے لیڈر تیجسوی یادو نے کہا کہ عالمی یوم مزدور کے موقع پر ہم لوگوں نے یہ فیصلہ کیا ہے کہ بہار سے باہر پھنسے ہمارے 25 لاکھ مزدور اور طلباء کی حمایت میں ایک روزہ علامتی بھوک ہڑتال کریں گے۔
ان پھنسے ہوئے مزدوروں کو بہار واپس لانا ہے۔تیجسوی نے کہا کہ ہم ریاستی اور مرکزی حکومت سے مطالبہ کرتے ہیں کہ حکومت ان مزدوروں کو جلد سے جلد بہار ار واپس لائے۔ تیجسوی یادو نے اس بھوک ہڑتال میں شامل ہونے کے لیے اپنی پارٹی کے تمام اراکین ایم پی ایم ایل اے کا شکریہ ادا کرتے ہوئے بہار کے لوگوں کا بھی شکریہ ادا کیا۔
