لکھنئو کمشنر مکیش نے بتا یا کہ' عالمی ادارہ صحت کی گائیڈ لانز پر عمل کرتے ہوئے ناظرین کے داخلہ پر پابندی لگائی گئی ہے۔
محکمہ صحت نے پہلے ہی میچ ملتوی کرنے کی تجویز دی تھی ۔اب وزارت کھیل کے مشورے پر لکھنؤ کے کمشنر مکیش میشرم نے بھی بی سی سی آئی کو ایڈوائزری بھیج دی ہے، جس کے بعد فیصلہ کیا گیا ہے کہ دارالحکومت لکھنؤ میں اس میچ کو بنا کس ناظرین کے کھیلا جائیگا۔
مزید پڑھیں:'حکومت اپنی ناکامی چھپانے کے لیے پی ایف آئی کی کہانی بنارہی ہے'
وزارت کھیل کی طرف سے ایک خط جاری کیا گیا ہے، جس میں اس سے متعلق تمام معلومات بی سی سی آئی کے صدر سکریٹری کو خط کے ذریعے دی گئی ہیں۔ اس کے بعد لکھنؤ کے کمشنر مکیش میشرم نے بھی اس معاملے پر فیصلہ کیا ہے کہ دارالحکومت لکھنؤ میں 15 مارچ کو ہونے والے میچ میں ناظرین کے داخلے پر پابندی عائد کردی گئی ہے اور دیکھنے والے صرف اپنے گھر سے ہی ٹی وی چینلز کے ذریعے ہی میچ کا لطف اٹھا سکیں گے۔
