آنگن واڑی مراکز کو دی جانے والی غذائی اجناس پر نظر رکھنے کی ہدایت

سری نگر، جموں وکشمیر حکومت نے سماجی بہبود کے محکمے کو ہدایت دی ہے کہ وہ اس بات کو یقینی بنائیں کہ آنگن واڑی مراکز میں بچوں اور حاملہ خواتین کو غیر محفوظ اور غیر معیاری غذائی اجناس نہ دی جائیں۔

آنگن واڑی مراکز کو دئیے جانے والی غذائی اجناس پر نظر رکھنے کی ہدایات کمشنر آف فوڈ سیفٹی اور اینٹی کرپشن بیورو کی طرف سے آئی سی ڈی ایس سینٹر بانڈی پورہ میں چنے کے نمونے حاصل کرنے اور انہیں فوڈ لیبارٹری کلکتہ بھیجنے کے بعد جاری کی گئیں، جہاں یہ پایا گیا کہ یہ غذائی اجناس غیر معیاری تھے۔
کمشنر فوڈ سیفٹی نے ریاست میں آنگن واڑی مراکز کو سپلائی کئے جانے والی غذائی اجناس کے ساتھ وابستہ افسروں کوہدایت دی ہے کہ وہ انتہائی ہوشیاری کے ساتھ یہ کام دیکھیں کہ سپلائروں سے حاصل ہونے والی اجناس معیاری ہے کہ نہیں۔
دریں اثنا فوڈ سیفٹی کے ساتھ وابستہ افسروں اور اہلکاروں کو بھی ہدایت دی گئی کہ وہ لگاتار انسپکشن کر کے غذائی اجناس پر نظر گزر رکھیں۔