مسٹر چوبے گذشتہ دنوں بارش کی وجہ سے پٹنہ شہر میں آبی جماﺅ اور اس کے بعد ڈینگو متاثرین سے ملنے کے لئے پی ایم سی ایچ گئے اس دوران ایک شخص نے ان پر سیاہی پھینک دی ۔ سیاہی کے چھینٹے مسٹر چوبے کی پیٹھ اور ان کی گاڑی پر پڑے ۔ پولیس نے جب اس شخص کو پکڑنے کی کوشش کی تو وہ موقع سے فرار ہو گیا۔
پولیس کے مطابق سیاہی پھینکنے والے شخص کی شناخت کرلی گئی ہے ۔ وہ سابق رکن پارلیمنٹ راجیش رنجن عرف پپو یادو کی پارٹی سے منسلک بتایا جاتا ہے ۔
مسٹر چوبے نے واقعہ سے متعلق نامہ نگاروں سے بات چیت کے دوران کہاکہ ان پر سیاہی پھینکنے والا شخص مجرمانہ شبیہ کا ہے ۔ کچھ لوگ لیڈر بننے کی خواہش میں اس طرح کے واقعات کو انجام دیتے ہیں جس کی پرزور مذمت ہونی چاہئے ۔ انہوں نے کہاکہ یہ سیاہی ان پر نہیں بلکہ عوام پر اور جمہوریت کے ستون پر پھینکی گئی ہے ۔
