سعودی عرب میں قومی دن کی تقریبات بڑے ہی تزک و احتشام کے ساتھ منائی جارہی ہیں اور اس موقع پر مختلف رنگارنگ پروگرام کا انعقاد کیا جارہا ہے۔
اس دن سعودی حکومت کی جانب سے فضائی شو، آتش بازی اور فیشن شوز کا بڑے پیمانے پر اہتمام کیا جاتا ہے۔
ان تقریبات میں شرکت اور بھارت کی نمائندگی کے لیے بھارتی وزیر خارجہ ایس جے شنکر، قومی سلامتی مشیر اجیت ڈووال اور مرکزی وزیر برائے اقلیتی امور مختار عباس نقوی کو خصوصی طور پر مدعو کیا گیا۔
بھارتی وزیر خارجہ ایس جے شنکر کا کہنا ہے کہ 'بھارت۔سعودی عرب کے دوطرفہ تعلّقات بھارت کے وزیر اعظم نریندر مودی اور سعودی عرب کے بادشاہ سلمان بن عبدالعزیز السعود اور کراؤن پرنس محمد بن سلمان السعود کی سربراہی میں مزید مضبوط ہوۓ ہیں'۔
ان تمام تقریبات کے دوران کورونا وائرس سے بچاؤ کے لیے سخت حفاظتی احتیاطی تدابیر اختیار کی جارہی ہیں اور سماجی فاصلے کے ضابطے کی پاسداری کی جارہی ہے۔
مرکزی وزیر برائے اقلیتی امور مختار عباس نقوی نے ٹوئیٹ کر کے کہا ہے کہ 'سعودی عرب کے نیشنل ڈے پر میں نے بھارت سرکار اور یہاں کی عوام کی جانب سے خادم الحرمین شریفین اور سعودی عرب کے فرماں رواں سلمان بنِ عبدالعزیز السعود اور کراؤن پرنس محمد بن سلمان السعود اور سعودی عرب کے عوام کو مبارک باد پیش کی ہے'۔
انھوں نے کہا ہے کہ 'وزیراعظم نریندر مودی کی قیادت میں بھارت اور سعودی عرب کے درمیان تعلقات کو مزید مضبوطی آئی ہے'۔
واضح رہے کہ مملکت سعودی عرب کی بنیاد 1932 میں شاہ عبدالعزیز یزید بن عبد الرحمن آل سعود نے رکھی۔
قابل ذکر ہے کہ 87 لاکھ ہزار مربع میل پر پھیلے ہوئے ہوئے اس خطے میں دنیا بھر کے مسلمانوں کے دو بڑے مذہبی مقامات مکہ مکرمہ اور مدینہ منورہ واقع ہے۔
- مزید پڑھیں: سعودی عرب: چار اکتوبر سے عمرہ کی اجازت
مقامات مقدسہ کی زیارت کے لیے ہر برس تقریبا تیس لاکھ زائرین سعودی عرب کا سفر کرتے ہیں۔ جس سے وہاں کی مقامی معیشت مزید مضبوط ہوتی ہے۔
