مسلسل فتوحات کا سلسلہ جاری رکھتے ہوئے ٹیم انڈیا اپنی تاریخ میں پہلی بار پانچ میچوں کی ٹی -20 سیریز کھیلے گی اور نیوزی لینڈ کے خلاف ہونے والے پہلے ٹی -20 میچ میں اس کا مقصد میزبان ٹیم سے حساب برابر کرنا ہوگا۔
بھارت نے اب تک اپنی تاریخ میں زیادہ سے زیادہ تین میچوں کی ٹی -20 سیریز کھیلی ہے اور یہ پہلی بار ہے کہ بھارتی ٹیم پانچ میچوں کی ٹی -20 سیریز کھیلنے جا رہی ہے۔
2020 کا سال ٹی -20 ورلڈ کپ کا سال ہے جس کا انعقاد اکتوبر میں آسٹریلیا میں ہوگا۔ یہی وجہ ہے کہ بھارت پہلی بار پانچ میچوں کی سیریز کھیل رہی ہے۔
وراٹ کوہلی کی کپتانی میں ٹیم انڈیا نیوزی لینڈ کے خلاف گزشتہ شکست کا بدلہ چکانے اترے گی۔ بھارت کو گزشتہ سال نیوزی لینڈ سے ون ڈے ورلڈ کپ کے سیمی فائنل میں شاندار شکست کا سامنا کرنا پڑا تھا اور اس کے علاوہ بھارت کو19۔2018کے دورے میں نیوزی لینڈ سے ٹی -20 سیریز میں 1-2 سے شکست کا سامنا کرنا پڑا تھا۔
بھارتی ٹیم: روہت شرما، لوکیش راہل ، ویراٹ کوہلی ، شریئس آئیر، منیش پانڈے ، شیوم ڈوبے ، رویندر جڈیجا ، شاردال ٹھاکر ، جسپریت بمراہ ، یوزویندر چہل اور محمد شامی
نیوزی لینڈ ٹیم: مارٹن گپٹل، کولن منرو، کین ولیم سن، ٹم سیفرٹ، راس ٹیلر ، کولن ڈی گرانڈہوم ، مچل سینٹنر ، ٹم ساؤتھی ، ایش سودھی ، بلیئر ٹکنر اور ہیمش بینیٹ
