پاکستانی وزیراعظم عمران خان نے آج اقوام متحدہ کی جنرل اسمبلی میں خطاب کرتے ہوئے بھارت کو آڑے ہاتھوں لیا اور سخت الفاظ میں بھارت کی نکتہ چینی کی۔
عمران خان کے خطاب کے بعد بھارت کی جانب سے شدید ردعمل سامنے آیا ہے اور عین ممکن ہے کہ سنیچر کے روز بھارت رائٹ ٹو ریپلائے کے حق کا استعمال کرتے ہوئے اس کا معقول جواب دے گا۔
عمران خان کی اقوام متحدہ کی جنرل اسمبلی میں کی گئی تقریر کو چار حصوں میں منقسم کیا جاسکتا ہے۔ انہوں نے موسمیاتی تبدیلی، منی لانڈرنگ، اسلاموفوبیا اور مسئلہ کشمیر پر کھل کر اپنی بات رکھی۔
اپنی تقریر کے دوران انہوں نے اس بات پر کافی زور دیا کہ وہ صرف مسئلہ کشمیر کو عالمی فورم پر رکھنے کے مقصد سے اقوام متحدہ کی جنرل اسمبلی سے خطاب کر رہے ہیں۔
