بھارت نے متحدہ عرب امارات (یو اے ای) اور اسرائیل کے مابین معمول کے سفارتی تعلقات کے قیام کے اعلان کا خیرمقدم کیا ہے اور امید کی ہے کہ فلسطین اور اسرائیل کے مابین دو ملکوں کے نظریہ پر بات چیت جلد ہی شروع ہو گی۔
وزارت خارجہ کے ترجمان انوراگ شریواستو نے جمعہ کے روز باقاعدہ بریفنگ میں ایک سوال کے جواب میں کہا کہ 'متحدہ عرب امارات کے وزیر خارجہ نے آج سہ پہر وزیر خارجہ ایس جیشنکر کو ٹیلیفون کرکے متحدہ عرب امارات اور اسرائیل کے مابین تعلقات کو مکمل طور پر معمول پر لانے کے اعلان کے بارے میں اطلاع دی۔'
یہ بھی پڑھیں: جولائی 2020: برآمدات میں 10.21 فیصد کمی
ترجمان نے کہا کہ 'بھارت مغربی ایشیاء کے اپنے پڑوس میں امن، استحکام اور ترقی کے اقدامات کی مستقل حمایت کرتا رہا ہے۔ اس تناظر میں ہم متحدہ عرب امارات اور اسرائیل کے مابین تعلقات کو مکمل طور پر معمول پر لانے کے اعلان کا خیرمقدم کرتے ہیں۔ دونوں ممالک بھارت کے اہم اسٹریٹجک شراکت دار ہیں۔'
