انڈیا پوسٹ نے بتایا کہ 'اس نے ملک گیر لاک ڈاؤن کے دوران پورے بھارت میں دو ہزار ٹن سے زیادہ ادویات اور طبی سامان ضرورت مندوں اور اسپتالوں کو عطیہ کیا ہے'۔
- کورونا وائرس کا بحران:
ایک سرکاری بیان میں کہا گیا کہ 'چونکہ ملک کورونا وائرس کے بحران سے دوچار ہے۔ اسی لیے انڈیا پوسٹ نے لاک ڈاؤن کے دورانیے میں اب تک 2،000 ٹن سے زیادہ ادویات کی فراہمی کی ہے'
مزید کہا گیا ہے کہ تقریبا 85 لاکھ مستحقین کو انڈیا پوسٹ پیمنٹ بینک کے آدھار سے چلنے والے ادائیگی نظام (ای پی پی ایس) کا استعمال کرتے ہوئے تقریبا 1500 کروڑ روپئے کی رقم فراہم کی گئی'۔
- الیکٹرانک منی آرڈرز:
انڈیا پوسٹ نے مزید کہا کہ 75 لاکھ الیکٹرانک منی آرڈرز (ای ایم او) کے ذریعے ادائیگی مختلف اسکیمز کے تحت کی گئیں۔
مرکزی وزیر مواصلات روی شنکر پرساد نے چیف پوسٹ ماسٹرز جنرل اور انڈیا پوسٹ کے سینئر افسران کو ہدایت کی کہ وہ 'آتمانیربھارت' کے لئے وزیر اعظم نریندر مودی کے وژن کو فروغ دیں'۔
- محکمہ ڈاک کا جائزہ:
پرساد نے ایک ویڈیو کانفرنس کے ذریعہ کووڈ 19 بحران کے دوران محکمہ ڈاک کے کاموں اور کوششوں کا جائزہ بھی لیا گیا۔
انڈیا پوسٹ نے خود شراکت کے ذریعہ اور غیر سرکاری تنظیموں کے اشتراک سے مزدوروں اور میونسپلٹی ورکرز کے درمیان لگ بھگ چھ لاکھ کھانے اور راشن کے پیکٹ بھی تقسیم کیے ہیں۔
- ڈاک خانے کے ذریعے ڈیجیٹل کنکشن:
وزیر نے کہا کہ 'عام بھارتی کو ڈاک خانے کے وسیع نیٹ ورک، مالی شمولیت اور مضبوط سپلائی چین کے ذریعہ ڈیجیٹل شمولیت کی طاقت فراہم کرنا ہوگی'۔
