ایرانی وزیرخارجہ نے وزیراعظم نریندرمودی کو علاقائی سرگرمیوں اور ان پر ایران کے نظریہ سے باخبر کرایا۔
مسٹر مودی نے کہا کہ بھارت علاقے میں امن، سلامتی اور استحکام کی پرزور وکالت کرتا ہے۔
ڈاکٹر ظریف کا خیر مقدم کرتے ہوئے مسٹر مودی نے گزشتہ برس ستمبر میں نیویارک میں اقوام متحدہ کے اجلاس سے الگ نیویارک میں ایران کے صدر ڈاکٹر حسن روحانی کے ساتھ بات چیت کی تھی۔
انہوں نے ایران کے ساتھ مضبوط رشتوں اور دوستانہ تعلقات کو جاری رکھنے کے تئیں اپنے عزم کا بھی اظہار کیا۔ وزیراعظم نے چابہار منصوبہ میں پیش رفت اور اسے خصوصی معاشی شعبہ اعلان کرنے کے لئے ایرانی قیادت کا شکریہ ادا کیا۔
ایرانی وزیرخارجہ نے اس سے پہلے قومی سلامتی مشیر اجیت ڈوبھال سے ملاقات کی۔
