بھارت نے امیرکویت کےانتقال پرسوگ کا اعلان کیا

چار اکتوبرکو سرکاری عمارتوں پر قومی پرچم نصف بلندی پر لہرایا جائے گا۔ اور کوئی سرکاری تقریب نہیں ہوگی۔

امیر کویت شیخ صبا الاحمد الجابر الصبا کے انتقال کے احترام میں بھارت نے 4 اکتوبر کو ملک بھر میں ایک دن کے سوگ کا اعلان کیا ہے۔

امیر کویت کا 29 ستمبر کو 91 سال کی عمر میں امریکہ میں دوران علاج انتقال ہوگیا۔ 4 اکتوبر کو تمام سرکاری عمارتوں پر قومی پرچم نصف بلندی پر لہرایا جائے گا اور کوئی سرکاری تقریب نہیں ہوگی۔

مرحوم1929 میں پیدا ہوئے۔ شیخ صباح کو جدید کویت کی خارجہ پالیسی کا معمار سمجھا جاتا ہے۔ انہوں نے 1963 سے 2003 تک تقریبا 40 سال وزیر خارجہ کی حیثیت سے خدمات انجام دیں۔ 2003 میں وزیراعظم بنے۔اور شیخ جابر الصباح کی وفات کے بعد جنوری 2006 میں وہ کویت کے امیر منتخب ہوئے۔