بحرین میں بھارت کے نئے سفیر پیوش سری واستو نے بحرین کے وزیر خزانہ و قومی معیشت شیخ سلمان بن خلیفہ آل خلیفہ سے ملاقات کی اور دونوں ممالک کے مابین دوطرفہ تعاون پر تبادلہ خیال کیا۔
دونوں وزرا کے مابین ملاقات کے دوران مالی اور کاروباری شعبوں میں بھارت اور بحرین کے درمیان تعاون کو مستحکم کرنے کے متعدد طریقوں پر غور کیا گیا۔
بھارتی سفارتخانے نے ٹویٹ کیا ہے کہ 'سفیر پیوش سری واستو نے شیخ سلمان الخلیفہ سے ملاقات کے دوران معیشت، کاروبار، دوطرفہ تعلقات اور مختلف موضوعات پر گفتگو کی'۔
بحرین کے سرکاری خبر رساں ادارہ کے مطابق دونوں فریقین نے دونوں ممالک کے مابین معاشی شراکت داری اور سرمایہ کاری کے مزید امکان اور دیگر مواقع فراہم کرنے کے لئے اس کے فروغ کے طریقوں کا جائزہ لیا۔
انہوں نے مشترکہ دلچسپی کے امور اور تازہ ترین عالمی معاشی پیشرفت پر بھی تبادلہ خیال کیا۔
