سرحدی تنازع: لداخ میں رفائل جنگی طیارے تعینات

کور کمانڈر سطح کے مذاکرات کا چھٹا دور مشرقی لداخ میں صبح نو بجے سے شروع ہو چکا ہے۔ بھارتی وفد کی قیادت کمانڈر لیفٹیننٹ جنرل ہریندر سنگھ کر رہے ہیں۔

مشرقی لداخ میں کشیدگی کم کرنے اور فوجیوں کی واپسی کے سلسلے میں دونوں ممالک کے مابین پانچ نکاتی معاہدے پر عمل درآمد کے لئے بھارت اور چین کے سینئر فوجی کمانڈر پیر کو ایک بار پھر بات چیت کر رہے ہیں۔

وہیں بھارتی فضائیہ نے لداخ میں بھارت چین سرحد پر رفائل طیارے تعینات کر دئے ہیں۔

اطلاع کے مطابق 'ایل اے سی پر رفائل طیارے اڑان بھرتے ہوئے دیکھے گئے ہیں۔'

ذرائع نے بتایا کہ 'کور کمانڈر سطح کے مذاکرات کا چھٹا دور مشرقی لداخ میں صبح نو بجے سے شروع ہو چکا ہے۔ بھارتی وفد کی قیادت کمانڈر لیفٹیننٹ جنرل ہریندر سنگھ کر رہے ہیں۔'

ذرائع کا کہنا ہے کہ وفد میں وزارت خارجہ کے جوائنٹ سکریٹری سطح کے افسر اور لیفٹیننٹ جنرل پی جی کے مینن بھی شامل ہیں۔

واضح رہے کہ چین کی پیپلز لبریشن آرمی (پی ایل اے) نے گذشتہ تین ہفتوں میں کم از کم تین بار پینگونگ جھیل کے جنوبی اور شمالی کنارے پر بھارتی فوج کو دھمکانے کی کوشش کی ہے۔ 45 برسوں میں پہلی بار لائن آف ایکچول کنٹرول پر ہوائی گولیاں چلائی گئیں ہیں۔