اس موقع پر مدرسہ کے مفتی جابر قاسمی نے ای ٹی وی بھارت سے بات کرتے ہوئے بتایا کہ دارالعلوم رشیدیہ گزشتہ 20 برسوں سے بڑی ہی کامیابی کے ساتھ قیام وطعام کے ساتھ چل رہا ھے۔
اہل خیر احباب کے مشورہ و تعاون سے 2009 میں اس مدرسہ کی ذاتی عمارت کی بنیاد رکھی گئی.
اس عمارت کی تعمیر کا کام 28 جولائی 2019 کو شروع ہوا تھا اور ایک برس کے اندر پایہ تکمیل کو پہنچا۔
اور اس کا افتتاح عمل میں آیا اس عمارت کا افتتاح عبد الرشید صدر دارالعلوم رشیدیہ کے ہاتھوں عمل میں آیا
مولانا محمد نجیب اللہ رحیمی نے بھی ای ٹی وی بھارت سے بات کرتے ہوئے بتایا کہ دارالعلوم رشیدیہ کی نئی عمارت میں تعاون کرنے والے اور عبدالرشید صاحب کی خصوصی دلچسپی سے یہ عمارت کا تعمیری کام اللہ کے فضل و کرم سے جلد مکمل ہوا اس موقع پر مولانا سمیع اللہ مظہری حافظ بہاوالدین ودیگر علمائے کرام موجود تھے۔
اطلاع کے مطابق اس مقام پر 650 سالہ قدیم مسجد، مسجد خواجہ تحسین جو غیر آباد تھی، مدرسہ کے ذمہ داران نے اس مسجد کو آباد کرتے ہوئے اس سے متصل دارالعلوم رشیدیہ کا قیام بھی کیا۔
اس مدرسے میں 152 بچے زیر تعلیم ہیں۔ وہیں مسجد میں پانچ وقت کی نماز کے ساتھ نماز جمعہ بھی ادا کی جاتی ہے۔
