پڈوچیری کے وزیر صحت ملادی کرشنا راو نے میڈیا کو بتایا کہ یہاں کے جی آئی پی ایم ای آر اسپتال میں تملناڈو کے پانچ لوگوں کا علاج کیا جارہا ہے۔
انہوں نے کہا کہ مارچ میں نئی دہلی کے نظام الدین میں تبلیغی جماعت اجلاس میں حصہ لینے والے پڈوچیری کے گیارہ لوگ پیر کو مرکز کے زیرانتظام ریاست پہنچے ہیں۔ اس کے ساتھ ہی حیدرآباد کے سات طلبا اور دوبئی سے چار لوگوں پڈوچیری آئے ہیں۔
مسٹر راو نے کہاکہ پڈوچیری آنے والے ان تمام لوگوں کو کورینٹائن رکھا گیا ہے اور ان کی کورونا وائرس کی جانچ کے بعد ان کی کورینٹائن مدت سے متعلق فیصلہ کیا جائے گا۔
وزیر صحت نے کہا کہ وہ کووڈ۔19وبا سے نپٹنے کے لئے محکمہ صحت کو فاضل 100کرو ڑ روپے کے الاٹمنٹ کی مانگ سے متعلق ایک خط وزیراعلی وی نارائن سوامی کو آج سونپیں گے۔
