پولیس ذرائع کے مطابق ہیڈ کانسٹیبل سبھاش سنگھ اور ایک دیگر پولیس اہلکار آنند جاٹو کو گرفتار کرنے کے بعد کل عدالت میں پیش کیاگیاتھا، جہاں سے کل انہیں عدالتی حراست میں جیل بھیج دیاگیا۔ الزام ہے کہ ان دونوں نے نکسلیوں کو کارتوس بیچے ہیں۔
ذرائع کے مطابق نکسلیوں کو مختلف طریقوں سے مدد کرنے کے معاملے میں پولیس چھ ملزمین کو گرفتار کرکے جیل بھیج چکی ہے۔ ان میں دو پولیس اہلکار بھی شامل ہیں۔
ادھر پولیس سپرنٹنڈنٹ شلبھ سنہا نے کہا کہ معاملے میں پیر کو اڈیشنل پولیس سپرنٹنڈنٹ (اے ایس پی) سدھارتھ تیواری کی قیادت میں ایک خصوصی جانچ ٹیم بنائی گئی ہے، جو پورے معاملے کی جانچ کرےگی۔
