وزارت روڈ ٹرانسپورٹ اینڈ ہائی ویز نے قومی شاہراہوں کی تعمیر میں تیزی لانے اور تعمیراتی کاموں میں حائل رکاوٹوں کو دور کرنے کے لئے آزاد ماہرین کی مصالحتی کمیٹیاں تشکیل دے کر ٹھیکیداروں کی ادائیگی کے ڈھانچے کو آسان بنانے کا فیصلہ کیا گیا ہے.
وزارت نے کہا ہے 'تعمیراتی کاموں میں رکاوٹیں آنے کی وجہ سے کام متاثر ہوتا ہے اور منصوبے وقت پر مکمل نہیں ہوتے ہیں، اس لئے اس طرح معاملات کو خوش اسلوبی سے نمٹنے اور ٹھیکیداروں کو ادائیگی میں پیش آنے والی دشواریوں کو دور کرنے کے لئے قدم اٹھائے گئے ہیں۔ اس کے تحت ٹھیکیداروں کے مسائل بڑے پیمانے پر ثالثی کے ذریعے طے کرنے کا کام شروع کردیا گیا ہے'۔
یہ بھی پڑھیے
'غیر منظم طبقے کے لئے لاک ڈاؤن موت کی سزا ثابت ہوا'
وزارت کے ایک افسر نے اس تعلق سے بتایا 'آزاد ماہرین ( سی سی آئی ای ) پر مشتمل مصالحتی کمیٹیاں تشکیل دی گئی ہیں۔ تمام ٹھیکیداروں کو ان کے دعوؤں کے جلد حل کے کے لئے بلایا جا ریا ہے اور اس کے بعد فوری طور پر ادائیگی کی جائے گی۔ اس کے تحت اب تک 14،248 کروڑ روپے کے دعوے والے 47 معاملوں کو نمٹایا جاچکے ہیں اور مزید 59 معاملے زیر سماعت ہیں۔
