60 سال سے زیادہ عمر کے لوگ خاص طور پرکووڈ انیس کے اثرات کا شکار ہیں۔ ان کے مدافعتی نظام اتنے مضبوط نہیں ہیں کہ ان کا جسم کورنا وائرس سے لڑ سکے۔ وہ اب ذیابیطس، ہائی بلڈ پریشر، دل اور پھیپھڑوں کی بیماری جیسے حالات سے گذر رہے ہیں جس کی وجہ سے وہ کورونا وائرس کا شکار ہو سکتے ہیں۔
تحقیق کے بعد یہ پتہ چلا ہے کہ کورونا وائرس بزرگوں کو انتہائی بیمار کر دیتا ہے جس کی وجہ سے ان کی موت واقع ہو جاتی ہے۔
یہ ضروری ہے کہ بوڑھوں کی دیکھ بھال کرنے والوں کو ضروری احتیاطی تدابیر اختیار کرنی چاہیے جیسے کہ ان کی دیکھ بال کرنے سے پہلے اور بعد میں کم سے کم 20 سیکنڈ تک اپنے ہاتھوں کو بار بار الکحل والے سینی ٹائزر سے دھوئیں۔ اس کے علاوہ جب وہ باتھ روم جائیں اور کھانا بنائیں تب بھی اپنے ہاتھوں کو دھوئیں۔
جو لوگ بزرگوں کا خیال رکھ رہے ہوں انہیں بھی ٹشو یا ان کی کہنیوں کا استعمال کرکے کھانسی اور چھینکنے کے لئے تجویز کردہ طریقوں پر عمل کرنا چاہئے۔ گھر میں موجود کارنرس جہاں لوگ اکثر چلتے ہوئے ان کا سہارا لیتے ہیں دیوار وغیرہ انہیں صابن سے دھوئیں۔
چونکہ مذہبی اور روحانی عبادت کے بہت سے مقامات بند ہیں، لہذا بزرگوں کے لئے یہ ضروری ہے کہ وہ اپنی روحانیت سے جڑے رہنے کے متبادل طریقے تلاش کریں۔ اس میں آن لائن سیشن، ٹیلی ویژن پروگرام شامل ہیں اور اس کے علاوہ دیگر احباب و رشتے داروں کے ساتھ بات چیت کرتے رہیں۔
