محکمہ موسمیات کا کہنا ہے کہ اترپردیش میں سردی کی لہر کے درمیان موسم خشک رہا۔ ریاست کے کچھ علاقوں میں ، پچھلے 24 گھنٹوں کے دوران گھنے دھند رہی۔ 25 جنوری سے شمال مغرب کی خشک ہوائیں چلیں گی۔ اگلے تین سے چار دن تک ، ان کا اثر شمالی ہند کے میدانی علاقوں اور اس سے متصل وسطی اور مغربی ہندوستان کے کچھ حصوں میں رہے گا۔
ہماچل پردیش کے کفری، بھرمور، کیلاونگ اور کلپا میں اتوار کو برف باری کے بعد سردی میں اضافے کا سلسلہ جاری رہا، محکمہ موسمیات نے آئندہ چند روز میں شمالی اور وسطی بھارت میں شدید سردی کے ایک نئے مرحلے کی پیش گوئی کی ہے۔
ادھر اترپردیش میں اپنے کھیت کو سیراب کرتے ہوئے ایک 45 سالہ کسان کی مبینہ طور پر ٹھنڈ لگنے سے موت ہوگئی۔ اتوار کے روز پولیس نے اس کے بارے میں آگاہ کیا۔
دہلی پر کہرے کی چادر تنی رہی، جس کی وجہ سے وزیبلیٹی 100 میٹر تک کم ہوگئی اور ٹریفک متاثر ہوگیا۔ صفدرجنگ آبزرویٹری میں مرئیت 200 میٹر اور پالم 100 میٹر ریکارڈ کی گئی۔
محکمہ موسمیات کے ایک عہدیدار نے بتایا قومی دارالحکومت میں تیز ہواؤں اور ابر آلود حالات کی وجہ سے درجہ حرارت بڑھ کر 8.8 ڈگری سینٹی گریڈ ہوگیا جو معمول سے ایک ڈگری ریادہ ہے۔
عہدیدار نے بتایا کہ جمعہ تک درجہ حرارت میں چار ڈگری سینٹی گریڈ تک کمی متوقع ہے۔
محکمہ موسمیات کا کہنا ہے مغربی اضطراب کے جموں و کشمیر سے شمال مشرق میں منتقل ہونے کی وجہ سے 25 جنوری سے خشک شمال مغربی ہوائیں چلنا شروع ہوجائیں گی۔ اگلے تین سے چار دن تک ان کا اثر شمالی ہند کے میدانی علاقوں اور اس سے متصل وسطی اور مغربی ہندوستان کے کچھ حصوں میں رہے گا۔
راجستھان کے کچھ علاقوں میں رات کا درجہ حرارت معمول سے زیادہ تھا۔ بھلواڑہ میں سب سے کم درجہ حرارت چھ ڈگری سینٹی گریڈ ریکارڈ کیا گیا۔
عہدیداروں نے بتایا کہ اتوار کے روز کشمیر کے بیشتر علاقوں میں برف باری کے بعد درجہ حرارت میں کمی واقع ہوئی ہے، لیکن صبح کے وقت بادلوں کے درمیان دھوپ رہی۔ انہوں نے بتایا کہ سری نگر میں درجہ حرارت منفی 1.9 ڈگری سینٹی گریڈ ریکارڈ کیا گیا، جو گذشتہ رات منفی دو ڈگری سینٹی گریڈ سے زیادہ ہے۔
اس کے علاوہ ہفتے کی رات گلمرگ کا درجہ حرارت منفی 11 ڈگری سینٹی گریڈ رہا۔ پہلگام کا درجہ حرارت منفی 12 ڈگری سینٹی گریڈ ریکارڈ کیا گیا۔
