اعلان کے ساتھ ہی آئی آئی ٹی مدراس ڈیٹا پروسیسنگ اور کمپیوٹرز کے شعبہ میں آن لائن ڈگری اور ڈپلومہ کورسز شروع کرنے والا دنیا کا پہلا تعلیمی ادارہ بن گیا ہے۔انسانی ترقیات ووسائل کے وزیر رمیش پوکھریال نشنک نے آج یہاں ویڈیو کانفرنسنگ کے ذریعہ اس آن لائن کورس کا آغاز کیا۔
انہوں نے کہا کہ وہ تحقیقاتی کام اور آئی آئی ٹی ، مدراس کی عمدہ کارکردگی سے بخوبی واقف ہیں کیوں کہ وہ ہمیشہ قومی رینکنگ فریم ورک میں پہلے نمبر پر رہا ہے اور اس نے ملک کے وقار میں اضافہ کیا ہے۔
انہوں نے کہا کہ اس انسٹی ٹیوٹ کے ڈائرکٹر بھاسکر رام مورتھی نے کورونا وائرس کے دور میں یہ آن لائن ڈگری اور ڈپلومہ کورس شروع کرکے قابل ستائش کام کیا ہے ، جس کے لئے میں انھیں مبارکباد پیش کرتا ہوں۔