مدھیہ پردیش کی حکومت میں وزیر برائے اقلیتی بہبود عارف عقیل نے آج ریاستی وقف بورڈ کی 'آن لائن شکایت پورٹل' کا افتتاح کیا۔ اس موقعے پر پیر سراج الحسن سمیت کئی اہم سیاسی و سماجی شخصیات موجود تھیں۔
مدھیہ پردیش وقف بورڈ کے ذمہ داران کے مطابق یہ آن لائن شکایت پورٹل وقف کے متعلق مسائل کے حل اہم کردار کرے گا۔ اس سہولت سے وقف بورڈ سے متعلق مسائل کا حل تیز رفتار سے ہوسکے گا۔اس سے بورڈ کے تئیں عوام کا بھروسہ بھی بڑھے گا۔
وقف بورڈ کے مطابق پورٹل میں ضرورت کےحساب سے سدھار اور توسیع کی جائے گی۔ ہر ماہ شکایتوں کے نمٹارےکا جائزہ بھی لیا جائے گا۔عوام اور ضرورتمندوں کی شکایت کے لیے آن لائن اور آف لائن شکایت درج کروانے کی سہولیات دستیاب کی گئی ہے۔
مدھیہ پردیش وقف بورڈ کا ہیڈ آفس ریاست کی راجدھانی بھوپال میں واقع ہے یہ ریاست کے تمام اضلاع کی وقت سے متعلق عہدے دار نیز عوام کو چھوٹے چھوٹے مسائل لے کر جانا پڑتا تھا، جس سے انھیں ضیاع وقت کے ساتھ ساتھ کافی دقتوں کا سامنا کرنا پڑتا ہے۔
اب امید کی جا رہی ہے کہ وقف بورڈ کا یہ آن لائن شکایت پورٹل عوام کے مسائل کو حل کرنے نہایت اہم کردار ادا کرے گا۔
