وزیراعظم کا مغربی یوپی کا دورہ آج، سکیورٹی سخت

وزیراعظم نریندر مودی آج مغربی اتر پردیش کے اضلاع مرادآباد، سنبھل، علی گڑھ، رامپور اور امروہہہ میں روڈ شو کریں گے جس کے باعث سخت سکیورٹی انتظامات کیے گئے ہیں۔

مرادآباد میں مودی کے دورے کے پیش نظر اے ڈی جی اویناش چندر نے شہر میں سکیورٹی حالات کا جائزہ لیا۔

اے ڈی جی اویناش چندر نے پولیس کے اعلیٰ افسران کو ہدایت دی ہے کہ وزیراعظم کے اس جلسے کی نگرانی سی سی ٹی کیمرہ سے کی جائے۔

واضح رہے کہ مودی کی آمد سے قبل شہر کے چپے چپے پر پولیس اہلکاروں کو تعینات کیا گیا ہے۔

نریندر مودی کے انتخابی جلسے کی وجہ سے ٹریفک میں ہونے والی دقتوں کے مدنظر سواریوں کی آمد و رفت کے راستے بھی تبدیل کیے گئے ہیں۔