شادی کے بعد پہلی بار میڈیا سے گفتگو میں سامعہ آرزو نے کہا کہ دونوں خاندانوں، بھارت اور پاکستان کے عوام اور میڈیا نے اس رشتے کو مثبت انداز میں لیا، جس پر میں سب کی ممنون ہوں۔
سامعہ آرزو نے کہا کہ حسن علی سے ملاقات سے پہلے وہ کرکٹ کے بارے میں کچھ نہیں جانتی تھیں اور موقع ملنے پر حسن علی کے میچ دیکھنے جاؤں گی۔سامعہ نے نیک خواہشات کے اظہار پر تمام لوگوں کا بھی شکریہ ادا کیا۔واضح رہے کہ حسن علی اور سامعہ آرزو گزشتہ روز دبئی کے ایک سیون اسٹار ہوٹل میں رشتہ ازدواج میں منسلک ہوئے تھے۔
دلہن اور دولہا کی ڈریسنگ میں ہندستانی ثقافت نمایاں تھی۔اس موقع پر 40سے50 مہمان مدعو تھے۔حسن علی نے سوشل میڈیا پر مبارکباد دینے والے مداحوں کا شکریہ کیا ہے ۔حسن علی نے کہا کہ ولیمہ کی ایک تقریب پاکستان میں بھی ہوگی، جس میں دُلہن بھی شریک ہوں گی۔
