وزیر خزانہ نرملا سیتا رمن یکم فروری کو عام بجٹ پیش کرنے کی تیاریوں کے درمیان کل نارتھ بلاک میں واقع وزارت خزانہ میں حلوہ کی رسم کے ساتھ ہی بجٹ کی تیاری شروع ہوگی۔
ذرائع کے مطابق اس رسم میں وزیر خزانہ کے ساتھ ہی وزیر مملکت برائے خزانہ انوراگ ٹھاکر اور وزارت کے سینئر افسران موجود رہیں گے۔
بجٹ کی تیاری سے قبل حلوہ بنانے کی رسم کافی وقت سے چلی آ رہی ہے۔ حلوہ کو مبارک سمجھا جاتا ہے اور اچھے کام کی شروعات میٹھے سے کی جاتی ہے۔
عام طور پرحلوہ بنانے کی رسم میں بجٹ بنانے والے افسران ہی شامل ہوتے ہیں۔ حلواہ بننے کے بعد وزارت کے ملازم بجٹ بنانے میں لگ جاتے ہیں۔
مزید پڑھیں: کیجریوال پھر وزیر اعلیٰ بنے تو شیلا دیکشت کی برابری ہوگی
بجٹ پیش ہونے کے ایک ہفتے پہلے ہی ان لوگوں کو 24 گھنٹے نارتھ بلاک میں ہی رہنا ہوتا ہے، سخت حفاظتی بندوبست کے بیچ بجٹ کی چھپائی کا کام وزارت خزانہ کے بیس منٹ میں ہوتا ہے۔
