اتوار کی رات ان کی رپورٹ منفی آنے کے بعد انہیں اسپتال سے فارغ کردیا گیا تھا۔ڈی ایم سہاس ایل وائی نے بتایا کہ یکم جون کو 94 سالہ اے اے ایم گلزار دہلوی کی رپورٹ مثبت آئی ہے۔ اس کے بعد انہیں گریٹر نوئیڈا کے شارڈا اسپتال میں داخل کرایا گیا۔ اس وقت ان کی حالت بہت خراب تھی۔
اس وقت انہیں سانس لینے میں دشواری ہو رہی تھی۔ اے ایم گلزار دہلوی کے علاج کے لئے ڈاکٹروں اور نرسوں کی ایک ٹیم تشکیل دی گئی تھی ، جو ان کی مستقل نگرانی کر رہی تھی۔ اس وقت ، ان کی حالت اتنی خراب تھی کہ کھانے پینے کے لئے پائپ کی ضرورت پڑ رہی تھی۔
ڈسٹرکٹ آفیسر نے بتایا کہ تین دن بعد صورتحال معمول پر آنے کے بعد ، وہ آیسولیشن کے عام وارڈ میں شفٹ ہوگئے۔ رپورٹ منفی آئی تھی۔ اتوار کے روز انہیں چھٹی دے دی گئ۔پدم شری ایوارڈ یافتہ94 سالہ اے ایم گلزار دہلوی کا پورا نام آنند موہن زوتشی گلزار دہلوی ہے۔
وہ نوئیڈا کے سیکٹر 26 میں رہتے ہیں۔ اردو شاعری اور ادب میں ان کی خدمات کے اعتراف میں انہیں 'پدم شری' ایوارڈ سے نوازا گیا۔ انھیں 2009 میں 'میر تقی میر' ایوارڈ سے بھی نوازا گیا تھا۔
